ໃນຕອນບ່າຍວັນພະຫັດ ວັນທີ 30 ມັງກອນ 2025 ຢູ່ທີ່ຫ້ອງປະຊຸມຊັ້ນ 5 ທະນາຄານ ສົ່ງເສີມກະສິກຳ ຈຳກັດ ໄດ້ເປີດກອງປະຊຸມປຶກສາຫາລື ກ່ຽວກັບວຽກງານການປ້ອງກັນ ແລະ ແກ້ໄຂບັນຫາ ທຸລະກຳສໍ້ໂກງຜ່ານສື່ຕ່າງໆ ທາງເອເລັກໂຕຣນິກນິກ, ໂດຍການເປັນປະທານຂອງ ທ່ານ ພິລາວັນ ສໍພາບມີໄຊ ຜູ້ອຳນວຍການ ທະນາຄານ ສົ່ງເສີມກະສິກຳ ຈຳກັດ ເຊິ່ງມີຜູ້ເຂົ້າຮ່ວມຈາກຫຼາຍພາກສ່ວນ ຄື: ຜູ້ຕາງຫນ້າຈາກກົມຕຳຫຼວດສືບສວນສອບສວນ, ກົມໃຫຍ່ຕຳຫຼວດປ້ອງກັນຄວາມສະຫງົບ, ສາມາຄົມທະນາຄານ, ກົມຄຸ້ມຄອງລະບົບຊໍາລະ, ສໍານັກງານຂໍ້ມູນຕ້ານການຟອກເງິນ, ກົມເຕັກໂນໂລຊີຂໍ້ມູນຂ່າວສານ ທະນາຄານແຫ່ງ ສ ປ ປ ລາວ, ບໍລິສັດ ລາວເນເຊີນໍ ເພເມັ້ນເນັດເວີກ (LAP-Net) ແລະ ຕາງຫນ້າຈາກທະນາຄານທຸລະກິດຈໍານວນ 4 ແຫ່ງເຂົ້າຮ່ວມ. ພາຍໃນກອງປະຊຸມໄດ້ຮັບຟັງການລາຍງານແນວໂນ້ມສະພາບທຸລະກໍາສໍ້ໂກງ ທີ່ມີທ່າອ່ຽງເພີ່ມຂຶ້ນຢູ່ພາຍໃນ ແລະ ພາກພື້ນ, ປຶກສາຫາລື ກໍານົດແນວທາງປະຕິບັດ, ຂອດການປະສານງານພາຍໃນ ເພື່ອສະກັດກັ້ນ ແລະ ແກ້ໄຂທຸລະກໍາດັ່ງກ່າວຮ່ວມກັນ ໃຫ້ວ່ອງໄວທ່ວງທັນກັບສະພາບ ໃນສັງຄົມປະຈຸບັນ ເພື່ອຊ່ວຍກັນປົກປ້ອງຜົນເສຍຫາຍທາງຊັບສິນຂອງລູກຄ້າ.
| ສະກຸນເງິນ | ອັດຕາຊື້ | ອັດຕາຂາຍ |
|---|---|---|
 USD |
21,377 | 21,754 |
 THB |
632.50 | 645.00 |
 CNY |
2,898 | 2,955 |
 EUR |
24,028 | 24,468 |
 VND |
0.80 | 0.83 |
| ວັນທີ: 30-04-2025 ລາຍລະອຽດ » | ||
ຈູດບໍລິການ ATM
